Një batalion me rreth 130 ushtarë rumunë i është bashkuar misionit të NATO-s në Kosovë, KFOR-it, për të ndihmuar me mbajtjen nën kontroll të situatës në veri të vendit pas sulmit terrorist nga ana e Serbisë, në Banjskë, që lëkundi jashtë mase raportet Kosovë-Serbi, shkruan Reporteri.net.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Kështu ka njoftuar Ministria e Mbrojtjes e Rumanisë, e cila tha se me këtë dislokim, numri i ushtarëve rumunë në Kosovë shkon në 210 sosh.
Gazeta online Reporteri.net ka siguruar edhe pamje ku shihen trupat rumunë të KFOR-it duke hyrë në Kosovë nga kufiri me Maqedoninë.
Ky dislokim, tha Ministrja rumune e Mbrojtjes, u bë me kërkesë të NATO-s.
“Ushtria rumune ka përfunduar shtimin e kontingjentit pjesëmarrës në operacionin e KFOR-it të NATO-s në Kosovë me kompaninë nga rezerva strategjike në dispozicion të SACEUR, me gjithsej përafërsisht 130 ushtarë”.
Armata României a finalizat suplimentarea contingentului participant la operația NATO KFOR din Kosovo cu compania din rezerva strategică la dispoziția SACEUR, cu un efectiv de aproximativ 130 de militari.https://t.co/UBt2XgDcwy #KFOR #NATO pic.twitter.com/vfdkabRDx8
— MApN (@MApNRomania) October 13, 2023
