Ministria e Infrastrukturës njofton se ka nënshkruar marrëveshjen për studim të fizibilitetit me IFC-në për 4 mijë njësi të banimit.
Sipas njoftimit, ky studim pritet të rris mundësitë për banim me çmime të përballueshme, megjithatë, nga Ministria e Infrastrukturës në krye me Liburin Aliun, nuk janë dhënë detaje të hollësishme rreth kësaj çështjeje.
“Bashkë me drejtorin rajonal të IFC-së për Evropën Qendrore dhe Juglindore, Ary Naïm, nënshkruam marrëveshjen e bashkëpunimit për studimin e fizibilitetit për projektin e banimit të përballueshëm”, thuhet në njoftim.
