Ministri i Punëve të Jashtme Glauk Konjufca, ka pritur në takim ambasadorin italian Nicola Orlando.
Përmes një komunikate, ministria njoftoi se Konjufca përseriti se qytetarët e Kosovës më 6 tetor 2019 votuan për ndryshimin dhe se qeveria e re është krijuar për të ofruar këtë ndryshim.
“Duke folur për dialogun midis Kosovës dhe Serbisë, ministri Konjufca vuri në dukje nevojën për të bërë evaluimin e tërësishëm të dialgut të deritanishëm në menyrë që të ndërtohet një konsensus i gjithmbarshëm politik dhe institucional brenda Kosovës” thuhet në komunikatë.
Gjithashtu u bë e ditur se në këtë takim, miqësor, u bisedua edhe për thellimin e raporteve bilaterale dhe nënshkrimin sa më shpejtë të marrëveshjeve të rëndesishme në segmentin e bashkepunimit të sigurisë dhe të tjera marrëveshjeve me interes për qytetarët e të dyja vendeve.
