Mendimi për motin: Mot stabil me kthjellime e diell, temperatura deri në 20C ditëve në vazhdim

Mendimi për motin – 4.03.2025

Mot i kthjellët dhe me diell parashihet edhe përgjatë ditës së mërkurë. Ultësirave mund të paraqiten kushte për mjegullinë, apo mjegull mëngjesore. Temperaturat minimale zbesin nën 0C, deri në -4C e -1C, ndërsa maksimalet gjatë ditës vijojnë me trend rritës deri në 15C e 17C. Frynë erë e lehtë dhe mesatare nga veriu e verilindja 2-5m/s.

Mot kryesisht me diell po parashihet edhe ditëve vijuese deri në fundjavë dhe më i ngrohtë, me maksimale që arrinë deri në 20C e 21C ditën e premtë. Temperaturat minimale gjithashtu shënojnë rritje mbi 0C në fundjavë. Ditën e premtë dhe shtunë kalojnë vransira, por kryesisht shtresore të larta. Nga dita e premtë do të fryjë erë e lehtë dhe mesatare nga jugu e juglindja 2-6m/s.