Në kohën kur negociatat mes Lëvizjes Vetëvendosje dhe Lidhjes Demokratike të Kosovës thuhet se kanë ngecur pikërisht për presidentin, për këtë post është përfolur edhe emri i nënkryetarit të LDK së, Lutfi Haziri.
Se emri i kryetarit aktual të Gjilanit po përfolet këto ditë për pozitën e të parit të shtetit, e ka konfirmuar para pak çastesh edhe Ismet Kryeziu nga shoqëria civile.
“Me presidentin në ardhje”, e ka emërtuar Ismet Kryeziu fotografinë e përbashkët me Hazirin, të cilën e ka publikuar në faqen e tij në rrjetin social Facebook.
Përndryshe, presidentit Hashim Thaçi i përfundon mandati në vitin 2021.
