Lista Serbe mbledh qytetarët për të votuar në mënyrë të organizuar, Burjani: E paligjshme

Serbët në veri të Kosovës në grup të organizuar janë drejtuar drejt kutive të votimit.

Ata janë mbledhur fillimisht para zyrës së Listës Serbe e më pas nën drejtimin e Zlatan Elekut dhe Igor Simiqit kanë vazhduar për në qendër të votimit.

Analisti Blerim Burjani ka thënë se ky lloj organizimi është joligjor dhe kundër demokracisë. Ai në KTV ka theksuar se nuk mund të ndodhë një organizim i tillë i qytetarëve e se ata “duhet të votojnë pa u nënshtruar”.

“Në veri nuk ka demokraci elektorale”, ka thënë Burjani./koha.net