Xhudistja Laura Fazliu ka fituar medalje të argjendtë në Lojërat Botërore Universitare në Gjermani.
Laura garoi në kategorinë deri 63 kilogramë. Deri në finale, Laura i shënoi tri fitore. Laura është prej xhudisteve më të mira në botë në 63 kg.
“Në finalen me Narumi Taniokan nga Japonia, rrugëtimi i Laurës u ndërpre për shkak të një lëndimi”, ka njoftuar Federata e Xhudos e Kosovës.
Kosova u përfaqësua me katër sportistë në Lojërat Botërore Universitare. Dy ishin në xhudo e dy në taekwondo./koha.net
