Lajmërohet policja që ishte raportuar e zhdukur nga sot një javë, jep deklaratën e saj para Policisë

Para disa ditësh u raportua se një police nga Rahoveci ishte larguar nga shtëpia e saj, dhe se nuk dihej asgjë për fatin e saj.

Ajo siç mëson Sinjali sot është lajmëruar shëndosh dhe mirë; duke e dhënë deklaratën e saj para autoritetit policor.

Ende nuk dihet se ku ishte policja nga Rahoveci, që prej të dielës së kaluar nuk dihej asgjë për fatin e saj.

Policja e zhdukur ishte: Valdete Jakupi.

Largimin e kësaj të fundit nga shtëpia e kishte lajmëruar vajza e saj në Polici.

Rastin e ka konfirmuar edhe Policia, e cila ka njoftuar se zyrtarja policore është paraqitur në Stacionin Policor në Rahovec, sot rreth orës 17:00.

“Sot rreth orës 17:00 zyrtarja policore e raportuar e zhdukur, është paraqitur në Stacionin Policor në Rahovec”.

“Gjendja e saj shëndetësore është e mirë. Rasti do të trajtohet në procedurë të rregullt”.