Nënkryetari i LDK-së, Lutfi Haziri, pas nënshkrimit të marrëveshjes për krijimin e Qeverisë tha se u bë ajo që kishte thënë dikur se emri i kryeministrit kalon nëpër zyrat e LDK-së, shkruan GazetaBlic.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Haziri përmes një shkrimi në Facebook ka thënë se është i lumtur që LDK arriti marrëveshjen finale me VV pas një procesi jo të lehtë. Ai shton se LDK ka ruajtuar parimet e saja në qëndrime dhe se koalicioni i shpresës u bë realitet.
Ky është shkrimi i tij:
Ia patëm premtuar popullit që emri i kryeministrit kalon nëpër zyrat e LDK’së. Jam jashtëzakonisht i lumtur që pas një procesi jo të lehtë, LDK tashmë ka arritur marrëveshjen finale me LVV. Është shumë e rëndësishme që LDK i ka ruajtur parimet dhe konsistencën në qëndrime. Koalicioni i Shpresës u bë realitet. Na presin punë të mëdha për Kosovën, për njerëzit e saj!
https://www.facebook.com/hazirilutfi/posts/3718012151572490
