Gjatë ditës së djeshme ka ndodhur një zjarr afër impiantit të mbeturinave mjekësore në Spitalin e Vushtrrisë, transmeton Gazeta Sinjali.
Zjarri që kishte ndodhur në hapësirën e jashtme, futi brenda sasi të madhe të tymit për çka stafi u detyrua të evakuojë pacientët nga një repart.
Për pacientët u kujdesën infermierët të cilët nxituan në mes tymit për t’i shpëtuar pacientët.
Filloreta Feka dhe Arlind Selani ndihmuan pacientët që të largohen nga reparti i cili ishte mbushur me tymë. Madje ata patën nevojë edhe vet për ndihmë mjekësore pas largimit të pacientëve.
Në anën tjetër dy infermierë të emergjencës Shaqir Shaqiri dhe Faton Bozhlani, ishin dy personat e parë që filluan shuarjen e zjarrit me bombola. Të dy kanë pësuar edhe djegie.
Zyrtarët e spitalit kanë deklaruar se zjarri ka rënë tek mbeturinat mjekësorë pasi impianti është në servisim, por fatmirësisht ka kaluar pa pasoja në njerëz, shkruan Gazeta Shneta.
“Ju njoftojmë se sot rreth orës 15.30, ka shpërthyer zjarri te mbeturinat mjekësore, afër impiantit, në hapësirën e mbrapme të Spitalit. Impianti aktualisht është në servisim dhe mbetjet kanë qenë të grumbullara afër tij deri në servisimin e pajisjes. Pas intervenimit, zjarri u shua. Pa pasoja në objekt dhe pa lëndime eventuale”.
/Gazeta Sinjali/