Kurti reagon pas heqjes së fotografisë së Thaçit: Vjosa nuk vepron pa arsye

Kryeministri i Kosovës, Albin Kurti, ka thënë disa fjalë për largimin e fotografisë së presidentit të Kosovës nga ana e kryeparlamentares, Vjosa Osmani.

Osmani largoi foton e presidentit, Hashim Thaçi, dhe e zëvendësoi atë me foton e ish-presidentit, Ibrahim Rugova.

Kryeministri i ri, Albin Kurti i pyetur sonte në RTK, ka thënë se nuk ka njohuri për këtë veprim të Osmanit, megjithatë e arsyeton.

‘’Unë nuk e paskam ndjekë këtë lajm sepse kam qenë në takime dhe aktivitete por është më mirë ta japë përgjigjen zonja Osmani”, ka thënë Kurti.

“Nuk besoj që ajo shpreh qëndrime dhe bënë veprime pa arsye të thella. Besoj në arsyen e Osmanit që më së miri është të shprehë ajo. Mbase ka vërejtur ndonjë mungesë dhe ka vepruar ashtu’’, shtoi ai.