Kurti: Nga 1 janari paga minimale bëhet 425 euro bruto, në korrik 500

Nga muaji i ardhshëm, paga minimale do të rritet në 425 euro bruto, nga 350 euro sa është aktualisht, bëri të ditur Kryeministri në detyrë, Albin Kurti.

“Nga muaji i ardhshëm paga minimale bëhet 425 euro bruto nga 350 euro sa është tash. Kurse nga 1 korriku fillon zbatimi i fazës së dytë ku paga minimale bëhet 500 euro, siç edhe e kemi paraparë me vendimin që kemi marrë si Qeveri.

Pagën minimale e gjetëm 130/170 euro, të pandryshuar për më shumë një dekadë, dhe brenda një mandati po e rrisim për të tretën herë”, shkroi Kurti në Facebook.