Mediat serbe kanë raportuar lidhur me deklaratën e kryeministrit në detyrë të Kosovës, Avdullah Hoti, i cili e falënderoi publikisht presidentin e SHBA-së, Joe Biden për letrën që ia dërgoi presidentit serb, Aleksandar Vuçiq, në të cilën presidenti amerikan i kërkon Serbisë që ta njoh Kosovën si shtet të pavarur.
Gazetat “Novosti” ka shkruar se “kryeministri i rremë” i Kosovës është i kënaqur me letrën që Biden i dërgoi Vuçit.
“VERË NË DERË TË SHTËPISË! FALEMINDERIT PRESIDENTIT BIDEN: Kryeministri i rremë i kënaqur me urimet skandaloze për Vuçiqin”, është titulli i të përditshmes serbe, “Novosti”.
Ndërkohë edhe Radio Televizioni i Vojvodinës ka cituar fjalët e Hotit.
“Hoti: Faleminderit President Biden, vera po na troket në derë”, është titulli i RTV-së.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
“HOTI PËRSËRI I ÇMENDUR: Dialogu midis Beogradit dhe Prishtinës do të përfundojë me njohje reciproke”, shkruan në titull mediumi serb, TV Pink.
Kryeministri në detyrë i Kosovës, Avdullah Hoti, e ka falënderuar presidentin e SHBA-së, Joe Biden, për letrën që ia dërgoi presidentit të Serbisë, Aleksandar Vuçiq, në të cilën ia kërkoi njohjen e Kosovës si shtet i pavarur.
“Kur i ke miqtë e fortë … vera te dera. Ju kam paralajmëruar! Faleminderit Presidenti Biden!”, ka shkruar Hoti.
Presidenti i SHBA-së, Joe Biden, në një letër urimi protokollare, i ka kërkuar Vuçiqit të angazhohet për arritjen e një marrëveshjeje me Serbinë, ku do të përfshihet edhe njohja reciproke me Kosovën.
