Kombëtarja e Kosovës në basketboll ka mposhtur Andorrën 80-71.
Kosova është kualifikuar në finale të “European Challenger” pasi mposhti Andorrën me rezultat 80-71.
Në fakt ky kampionat është ndarë në grupe të ndryshme, dhe Kosova bënë pjesë në grupin e fundit me shtetet më të dobëta në ranglist por gjithsesi ky është një sukses i madh i djemve tanë.
Ndeshja nisi më mirë për Andorrën që pas dy çerekëve avanconte 39-33.
Megjithatë ‘Dardanët’ u rikthyen furishëm në periodën e tretë duke e fituar këtë periudhë me epërsi 31-16 ndërsa në fund të ndeshjes triumfuan me rezultat 80-71.
Më meritoret në suksesin e Kosovës ishin Anes Gashi me 21 pikë, shtatë kërcime, tre asistime dhe Visar Ejupi me 18 pikë, gjashtë kërcime, tre asistime.
Kosova në finale takohet me fituesin e ndeshjes tjetër gjysmëfinale mes Shqipërisë dhe Luksemburgut. /Lajmi.net