Ambasadori i Shteteve të Bashkuara të Amerikës në Kosovë, Philip Kosnett gjatë ditës së sotme është takuar me ushtruesin e detyrës së kryetarit të PDK-së, Enver Hoxhaj dhe me kryetarin e AAK-së, Ramush Haradinaj.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Nëpërmjet një shkrimi në ‘Twitter’, Kosnett ka thënë se pret veprime konstruktive nga opozita për të punuar bashkë me qeverinë për qëllime të përbashkëta.
“U takova ndaras me kreun e AAK-së, Ramush Haradinaj dhe kreun e PDK-së, Enver Hoxhaj. I nxita që të veprojnë në mënyrë konstruktive në opozitë, duke punuar së bashku me qeverinë për qëllime të përbashkëta duke i vendosur nevojat e qytatarëve mbi ato të partive”, ka shkruar Kosnett në ‘Twitter’.
Takimin me ambasadorin amerikan e ka konfirmuar edhe kryetari i AAK-së, Ramush Haradinaj.
Integrimet euroatlantike, situata me pandeminë, rimëkëmbja ekonomike dhe dialogu, ishin temat e bisedës sipas Haradinajt.
“E informova ambasadorin se Aleanca do të jetë zë i fuqishëm që do të kërkojë llogaridhënie nga pushteti i ardhshëm. Gjithashtu falënderova ambasadorin Kosnett për kontributin e tij dhe mbështetjen e vazhdueshme amerikane për vendin tone”, ka shkruar Haradinaj në Facebook.