Këto janë shtetet që votuan kundër aplikimit të Kosovës në Këshill të Evropës

Aplikimi i Kosovës për anëtarësim në Këshill të Evropës ka kaluar të hënën fazën e parë.

Komiteti i Ministrave ka vendosur të pranohet aplikimi i Kosovës dhe e ka kaluar këtë aplikim te Asambleja Parlamentare.

KOHA mëson se në favor për aplikimin e Kosovës kanë votuar 33 shtete anëtare të Këshillit të Evropës. Ndërsa kundër aplikimit të Kosovës ishin 7 shtete anëtare – Azerbajxhani, Qipro, Gjeorgjia, Hungaria, Rumania, Serbia e Spanja. Të përmbajtura ishin Sllovakia, Greqia, Bosnjë-Hercegovina, Armenia e Ukraina. /Koha.net