Në shtatë ditët e fundit, në Kosovë janë regjistruar 1,139 raste të reja me Covid-19 dhe dhjetë viktima. Shifrat janë duke u rritur dita-ditës.
Prej gjysmës së muajit marsi, kur u paraqitën rastet e para me koronavirus, e deri më 26 tetor, në Kosovë janë regjistruar 18,148 të infektuar me koronavirus. Prej tyre, 666 pacientë kanë humbur jetën dhe 15,150 janë shëruar.
Raste aktive me COVID-19, sëmundjen që e shkakton koronavirusi, janë 2,332 persona.
Ndërkohë shumica e komunave në Kosovë tashmë janë prekur nga koronavirusi. Por ka të atilla që sot nuk e kanë as edhe një rast të vetëm aktiv sëmundjen që e shkakton koronavirusi.
Mamusha, Zubin Potoku, Zveçani, Leposaviqi, e Parteshi janë pesë komunat kosovare që nuk kanë as edhe një rast aktiv me Covid 19.
