Kështu do të jetë moti për ditën e Bajramit

Sot në Kosovë, parashihet të mbajë mot pjesërisht i vranët. Vranësirat do të jenë më të theksuara në pjesën e parë të ditës, kur mund të sjellin edhe reshje lokale shiu.

Temperaturat do të sillen në mes 6 e 13 rade Celsius. Ndërsa, nesër pritet kthjellim i motit dhe ngritje e lehtë e temperaturave, të cilat do të sillen ne mes 6 e 17 grade Celsius. Gjykuar sipas ecurive aktuale sinoptike, fundjava do të jetë e ndarë në dysh.

Të shtunën parashihet që moti të jetë kryesisht i kthjellët, kurse, në të dielën, pritet të ketë vranësira të pjesshme, të cilat në pjesën e dytë të ditës mund të sjellin edhe reshje lokale shiu.

Temperaturat e mëngjesit do të lëvizin në mes 8 e 9 grade Celsius, kurse, maksimalet në mes 21 e 24 gradë Celsius.