Këshilltari amerikan për sigurinë kombëtare, Jake Sullivan, thotë se derisa administrata Biden është “e shqetësuar për mundësinë e përshkallëzimit”, në lidhje me qëndrimin bërthamor të presidentit rus, Vladimir Putin, “nuk kemi parë asgjë që do të kërkonte nga ne të ndryshonim qëndrimin bërthamor”.
“Ne po e shikojmë këtë jashtëzakonisht nga afër, dhe padyshim, rreziku i përshkallëzimit me një fuqi bërthamore është i rëndë dhe është një lloj konflikti i ndryshëm nga konfliktet e tjera që populli amerikan ka parë gjatë viteve,” tha Sullivan për CNN, transmeton lajmi.net.
Sipas tij, presidenti amerikan, Joe Biden, duhet ta marrë më seriozisht këtë çështje, edhe pse “ne i dyfishojmë përpjekjet tona për të mbështetur ukrainasit”.
“Siç janë gjërat sot, Shtetet e Bashkuara nuk e kanë rregulluar qëndrimin tonë bërthamor, por është diçka që ne monitorojmë ditë pas dite, orë pas ore, sepse është një përparësi kryesore për Presidentin.”
Ai tha gjithashtu se sulmet ruse në Lviv, afërsisht 12 milje nga kufiri i Ukrainës me Poloninë, janë një shenjë se Putini “është i frustruar nga fakti se forcat e tij nuk po bëjnë atë lloj përparimi që ai mendonte se do të bënin kundër qyteteve të mëdha, duke përfshirë Kyiv./Lajmi.net/
