KB Trepça është fituesja e finales së Kupës së Kosovës që u zhvillua sot, shkruan Mitrovica SOT.
Klubi mitrovicas i basketbollit në këtë finale mposhti rivalin e saj të moçëm, KB Sigal Prishtinën.
KB Trepça mori fitoren pas një përballje dramatike e një loje të nivelizuar përgjatë pjesës më të madhe të ndeshjes.
Në fund, ndeshja u mbyll me rezultatin 74-66.
Më të dalluarit në fitoren e Trepçës ishte Drilon Hajrizi me 16 pikë, tetë kërcime dhe tri asistime dhe Mikale Tmusic, me 13 pikë, tri kërcime dhe pesë asistime. Hajrizi edhe u shpall MVP i kësaj finale.
Me këtë fitore, KB Trepça radhitë trofeun e gjashtë të Kupës së Kosovës. /MitrovicaSOT.
