Opinionisti Vehbi Kajtazi ka thënë në emisionin Rubikon të Klan Kosovës se ish-presidenti Hashim Thaçi kishte marrë një kërcënim të drejtpërdrejtë nga ISIS-i në vitin 2016.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Sipas tij, Kosova ishte ndër shtetet e para që shpalli ISIS-in organizatë terroriste, duke vepruar njësoj si me Al-Qaedën, Hezbollahun dhe Hamasin.
“Në vitin 2016, udhëheqësi i ISIS-it i çon letër Hashim Thaçit, atëherë ka qenë president, i thotë mos u përfshi në luftën kundër terrorizmit dhe ISIS-it dhe kemi punë me ju. Dhe merr kërcënim të rëndë. Kosova është prej atyre shteteve të para që e shpall ISIS-in organizatë terroriste, ashtu si Al-Qaedan e Hezbllahun e plot të tjera, dhe Hamasin”, tha Kajtazi.
Ai e lidhi këtë rast edhe me mundësinë që Lista Serbe të shpallet organizatë terroriste nga Qeveria e Kosovës.
“Të gjitha këto organizata, përfshirë vendimet e fundit të qeverisë Kurti që lidhen me brigadat e veriut, shpallen prej qeverisë. Mblidhen strukturat e sigurisë dhe jepen detaje dhe kështu shpallen organizatë terroriste. Qeveria Kurti tash mundet me u mbledh online dhe thonë se Lista Serbe shpallet organizatë terroriste, dhe u kry kjo punë”, u shpreh ai.