Analisti Shemsi Jashari në FIVE në RTV Dukagjini paralajmëroi se partia e Albin Kurtit do të ketë rënie të votave në zgjedhjet e 28 dhjetorit, ndërsa koalicioni me parti të vogla është shenjë për panikun e VV-së.
Ai ka folur lidhur me koalicionet dhe subjektet e tjera politike të cilat do të garojnë të vetme në zgjedhjet nacionale të 28 dhjetorit.
Jashari ka thënë se koalicioni i VV-së tregon se ky subjekt politik është në panik.
“Lëvizja Vetëvendosje është në një panik, e ka lexuar mirë qëndrimin e qytetarëve edhe rënien konstante që e ka prej zgjedhjeve të kaluara dhe që do të vazhdojë në këto zgjedhje”, tha ai.
“Prandaj e shohim një guxim të partive të tjera që të mos bëjnë koalicione me parti të tjera dhe të shkojnë si të vetme në zgjedhje, përderisa është e kundërta te Lëvizja Vetëvendosje, e cila vendos që t’i pranojë kushtet e partive dikur të vogla e tash po duken vendimtare, që Lëvizja Vetëvendosje të mos pësojë rënie të madhe në zgjedhjet që vijnë”, tha Jashari.