Jahjaga takon Obamën, i kërkon angazhim për forcim të raporteve Kosovë-SHBA pas pezullimit të dialogut strategjik

Ish-Presidentja e Kosovës, Atifete Jahjaga, ka takuar ish-presidentin amerikan, Barack Obama, në kuadër të samitit global në Erie, Pensilvani.

Jahjaga ka thënë se ka ka kërkuar nga Obama angazhimin e mëtejshëm në forcimin e marëdhenieve ndërmjet SHBA dhe Kosovës, që thotë se janë sfiduar me pezullimin e dialogut strategjik së fundmi.

“Kerkova edhe ndihmen dhe perkrahjen e zotit Obama ne konsolidimin e shtetesise tone në arenën ndërkombëtare”, ka shkruar Jahjaga.

Ajo ka thënë se Kosova nuk ka pasur dhe nuk do të ketë kurrë aleat më të madh se Shtetet e Bashkuara të Amerikës dhe populli amerikan.

“Falë këtij partneriteti, ne sot gëzojmë lirinë, pavarësinë, njohjen ndërkombëtare dhe anëtarësimin në shumë organizata botërore. Për këtë mbetemi përjetësisht falënderues. 🇽🇰🇺🇸”, ka shkruar ish-presidentja./Reporteri.net