Ish këshilltari i Thaçit, Adil Behramaj, ka cilësuar fitoren e Edi Ramës si arritje e madhe kombëtare, pasi sipas tij Qeveria e Shqipërisë do i mbrojë udhëheqësit e UÇK’së që janë në Hagë, shkruan Gazeta Metro.
Behramaj, tha se Qeveria në krye me Edi Ramën nuk do i braktis udhëheqësit e UÇK’së që po mbahen padrejtësisht në Hagë, pasi Qeveria i Kosovës i ka braktisur.
‘’ Udhëheqësit e UÇK-së që po mbahen padrejtësisht në burgun e Hagës, së paku nuk do të jenë të braktisur nga Qeveria e Shqipërisë, ashtu siç i ka braktisur dhe po i lufton politikisht lidershipi i ri institucional i Kosovës’’, shkroi Behramaj,
Ai shtoi se Ramës iu desh t’i mësojë se mbrojtja publike e vlerave të luftën nuk ka të bëjë me ndërhyrje në drejtësi.
Ky është postimi i plotë:
”Në mungesë të mbështetjes së krerëve të rinj të institucioneve të Kosovës për luftën e UÇK-së, fitorja e Edi Ramës është e arritur e madhe kombëtare. Udhëheqësit e UÇK-së që po mbahen padrejtësisht në burgun e Hagës, së paku nuk do të jenë të braktisur nga Qeveria e Shqipërisë, ashtu siç i ka braktisur dhe po i lufton politikisht lidershipi i ri institucional i Kosovës.
Edi Rama u dashtë sërish t’i mësojë që mbrojtja publike e vlerave të luftës dhe përmendja e emrave nuk janë sakrilegj dhe kurrfarë ndërhyrjeje në procesin e drejtësisë!”/gazetametro.net
