Ish-deputeti i LVV’së, Enver Dugolli, ka reaguar ndaj një ngjarje që ka ndodhur gjatë vizitës së Albin Kurtit në Drenicë, ku një qytetar nuk ka pranuar që t’ia japë dorën.
Ai ka shkruar se personi në fjalë “nuk e përfaqëson nderin e drenicasve”.
Reagimi i plotë:
Titull “bombastik”, por që në fakt nxjerr në pah një tjetër dimension të së vërtetës.
Në mesin e shumë drenicasve që kishin dalë për të pritur Kryeministrin, Kryeparlamentaren dhe ushtruesen e detyrës së Presidentes, paskan “zbuluar” një person të porositur për të krijuar “lajm”.
Unë, si drenicas, dhe në emër të shumë të tjerëve, e falënderojmë Kryeministrin Kurti, i cili jo vetëm tani, por në çdo përvjetor, nderon heronjtë, dëshmorët dhe viktimat civile të Drenicës. Madje, në vende ku nuk ka shkelur këmba e asnjë udhëheqësi që nga paslufta, ishte pikërisht Kryeministri Kurti ai që i nderoi me vizita dhe homazhe.
Personi me duar në xhepa nuk e përfaqëson nderin, mikëpritjen dhe dhimbjen e drenicasve