Ushtruesi i detyrës së kryetarit të PDK’së Enver Hoxhaj ka folur për ftesën e kryetarit të LDK’së Isa Mustafa për bisedime lidhur me postin e presidentit të vendit.
Hoxhaj tha se ftesa i takon shefit të koalicionit qeverisës. Sipas Hoxhajt fillimisht partitë në pushtet duhet t’i harmonizojnë qëndrimet për këtë çështje para se të ulen në tavolinën e diskutimeve.
“Isa Mustafa në fund të fundit është shefi i koalicionit dhe i takon partisë më të madhe që të ftojë një takim të tillë”, tha Hoxhaj në Pressing.
“Partnerët e koalicionit janë një palë dhe ne të tjerët sepse ne jemi në opozitë”, shtoi ai.
“Temën e çështjes së presidentit e shohim si temë të përbashkët me partnerët e koalicionit. Ata duhet t’i harmonizojnë qëndrimet”, tha Hoxhaj.