Inspektorati komunal i Mitrovices Veriore në bashkëpunim me Inspektoratin sanitar në kuadër të Ministrisë së Shëndetësisë, kanë realizuar kontrolla rutinore në disa lokacione ku po zhvillohej aktiviteti i gastronomisë.
“Gjatë inspektimeve, janë identifikuar biznese ku kanë zhvilluar aktivitetin e gastronomisë pa siguruar kushtet elementare higjienike.
Në disa nga lokacionet, është bërë asgjësimi i produkteve ushqimore për shkak të afateve të skaduara si dhe në mungesë të dokumentacionit për prejardhjen e produkteve ushqimore”, thuhet në njoftimin e komunës.
“Disa nga lokacionet e inspektuara, i është pezulluar aktiviteti i punës deri në përmirësimin e kushteve të punës sipas sugjerimeve të inspektoratit.
Qeverisja lokale në Komunën e Mitrovicës Veriore, është e përkushtuar maksimalisht për përmirësimin e jetës së qytetarëve”, përfundon njoftimi.
