Instituti Kombëtar i Shëndetësisë Publike të Kosovës ka dhënë disa këshilla për kujdes nga kafshimi i gjarprit.
Në një postim në faqen zyrtare në Facebook, IKSHPK njofton se në Kosovë deri tani është e ditur se jetojnë katër lloje të gjarpërinjve, ndër ta lloji helmues Vipera Ammodytes – nepërka.
IKSHPK u bën thirrje qytetarëve që në rast kafshimi nga gjarpri, të telefonojnë menjëherë numrin 194, familjarët apo të afërmit.
“Shumica e kafshimeve të gjarpërinjve ndodhin në krahë, kyçe ose duar. Simptomat tipike të një kafshimi jo helmues janë dhimbja, lëndimi dhe gërvishtjet në vendin e kafshimit.
Pas një kafshimi helmues gjarpri, zakonisht ka dhimbje serioze dhe ndjeshmëri në vendin e kafshimit. Kjo mund të përkeqësohet në ënjtje dhe mavijosje.
Të përziera, frymëmarrje e vështirësuar dhe ndjenja e dobësisë, si dhe një shije e çuditshme në gojë.
Ndonjëherë, një gjarpër helmues mund të kafshojë pa injektuar helm. Kjo quhet pickim i thatë”, janë disa nga simptomat të cilat i veçojnë në Institut, teksa përmes ilustrimeve kanë treguar se si duhet vepruar në të tilla raste.
