Ambasadori i SHBA-së në Kosovë, Jeff Hovenier, ka mbajtur një konferencë të jashtëzakonshme para gazetarëve, shkruan Mitrovica SOT
Hovenier demantoi kryeministrin Kurti i cili tha se raportet SHBA-Kosovë nuk janë dëmtuar. Deklarata e Kurtit erdhi pasi zëvendëssekretari amerikan i shtetit, Jim O’Brien, lëshoi kritika mjaft të ashpra në drejtim të Qeverisë aktuale në lidhje me çështjen e dinarit dhe tha se nëse qeveria Kurti nuk trajton SHBA-në si partnere, as SHBA nuk do ta trajtojë Kosovën si të tillë.
Hovenier tha se çështja e dinarit ka ndikuar në partneritetin SHBA-Kosovë dhe shtoi se “O’Brien ia bëri të qartë qëndrimin tonë edhe kryeministrit Kurti”./MitrovicaSOT
