Deputeti i LDK-së, Avdullah Hoti në seancën e Kuvendit të Kosovës, me rend dite shqyrtimi i parë i Projektligjit të Buxhetit për vitin 2025 ka thënë se me qeverinë Kurti ndikimi në ekonomi ka qenë pothuajse zero.
“Duhet ta shqyrtojmë si dokument të përkohshëm pasi jështë e qeveria e ardhshme do ta ndryshoj dhe kjo nuk është asgjë e jashtëzakonshme. Kryeministri u zgjat në foltore, por nuk i përmendi premtimet e dhëna në dokumentin bazik të qeverisë”, tha fillimisht Hoti.
Sipas tij, kjo ka ndodhur pasi është përkeqësuar struktura e buxhetit, pasi siç tha ai kanë ndërruar raportet mes subvencioneve dhe investimeve kapitale.
“Ndikimi në ekonomi dhe shoqëri është pothuajse zero. Është përkeqësuar struktura e buxhetit, kanë ndërruar raportet mes subvencioneve dhe investimeve kapitale. Subvencione mbahen familjet në nevojë por nuk zhvillohet ekonomia”
“Edhe ato investime kapitale që janë planifikuar nuk janë realizuar. Për mandatin 2021-2024 kanë qenë të planifikuara 3 miliardë euro, janë realizuar vetëm 1.2 miliardë euro”, tha ai para deputetëve.
/Reporteri.net/
