Nënkryetari i Lidhjes Demokratike të Kosovës, Lutfi Haziri, ka reaguar lidhur me procesin gjyqësor që po zhvillohen në Dhomat e Specializuara në Hagë, duke mbrojtur pastërtinë e luftës së Ushtrisë Çlirimtare të Kosovës.
Haziri ka theksuar se liria dhe pavarësia e Kosovës janë arritur përmes një kombinimi të rezistencës paqësore dhe kryengritjes së armatosur, të cilën ai e cilëson si “mjetin e fundit të politikës”.
Ai ka shtuar se kjo kryengritje ishte kulmimi i përpjekjeve për mbrojtjen e familjes dhe pronës, ndërsa ka kujtuar se krimet dhe gjenocidi i Serbisë ndaj popullit shqiptar mbeten plagë të hapura.
