Hamiti: Kosova 833 ditë nën sanksione të BE’së për shkak të politikave të Kurtit, u pezulluan projekte jetike

Muhamet Hamiti ka kujtuar sanksionet e BE ndaj Kosovës dhe fajësoi politikat e Kurtit për këtë. Ai tha se për pasojë u pezulluan 600 milionë euro projekte jetike për qytetarët.

“Për shkak të politikave të Qeverisë së Vetëvendosjes (VV), BE-ja i vendosi Kosovës “masa të përkohshme dhe të kthyeshme”, eufemizëm për sanksione ekonomike, më 28 qershor 2023. Janë bërë dy vjet, tre muaj dhe 10 ditë prej kohës kur na u vendosën sanksionet e ashpra. Domethanë 833 ditë deri sot. Kosovës i janë pezulluar mbi 600 milionë euro për projekte jetike për qytetarët”, ka shkruar Hamiti.