Haliti: Kushërinjtë e kusherinjëve, axhallarë e teze të familjes Albiniste u ‘turrën’ për spastrimin e institucioneve

Deputeti i PDK-së, Xhavit Haliti thotë se kryeministri Kurti dhe VV’ja nuk arritën t’iu përmbahen premtimit kundër nepotizmi.

Haliti në një prononcim për GazetaBlic thekson se, partia e Kurtit dëshirojnë spastrim të institutcioneve dhe të administratave.

“Deklaratat e dhëna në prag të marrjes së pushtetit, në kushte dallëdisje e rrahë-gjokësie, për premtime boshe, jo vetëm se nuk arriti t’i përmbahet, por kusherinjtë e kusherinjëve, hallat e gocat e dajallarëve, axhallarëve e tezeve, jo vetëm të Albinit, por të familjes Albiniste të VV’së, u turrën për spastrimin e institutcioneve dhe administratës me akuza të paargumentuara, me qëllimin që t’i japin mundësi çunave e gocave Albiniste që të dehen nga dallëdisa që iu bënë pushteti”, tha Haliti.

“Nepotizmi është fenomen i pa pranueshëm në institucionet shtetërore. Shoqëria kosovare vuan nga Lokalizmat, fiset e fisnikët pa pushtet në fisin e vet, prandaj agjensitë e pavarura, agensitë e prokurimeve, zyrat e sekretarëve ekzekutiv e të përgjithshëm u sulmuan, ku përmes tyre normalisht që operojnë pushtetarët dhe oligarkët të cilët janë pa parti, por janë gjithnjë me pushtetin”, shtoi ai.

Haliti thotë se këta persona e “kanë Zot” paranë.

“Por, defacto këta Zot e kanë paranë. Pjesa e luanit, siç dihet në emër të mbështetjes së partisë, i takon shefit të madh. E mori pushtetin në emër të luftës kundër korrupsionit, e bindi elektoratin ta votonin, por tantakulat e Qeverisë aktuale janë futur thellë në lezetin e pushtetit dhe përfitimet që sjell ai për ata, që nuk i shërbejnë popullit, siç kanë premtuar, por xhepave të krushqëve të darsmës së madhe të Albin Kurtit”, tha Haliti.