Anëtarja e kryesisë së LDK’së, Sibel Halimi, ka hedhur kritika ndaj kryeministrit Albin Kurti, dhe subjektin e tij politik, duke thënë se kanë keqpërdorur vetëm për të ardhur në pushtet.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Halimi, përmes një postimi në Facebook, tha se Vetëvendosje ka manipuluar me idetë e role nga më të ndryshmet.
‘’ Morën pushtetin duke manipuluar me ‘idetë’ e role nga më të ndryshme, nga nacionalistë shqiptarë, tek progresiv e barazitarë.
Ky është postimi i plotë:
‘Nacionalistë’ e ‘barazitarë’ deri në kolltuk, e pastaj zmbrapsje e pabarazi në pushtet!
Morën pushtetin duke manipuluar me ‘idetë’ e role nga më të ndryshme, nga nacionalistë shqiptarë, tek progresiv e barazitarë.
Në këtë rrugëtimin e tyre ndërtuan kauza artificiale, duke penguar çdo lëvizje drejt progresit për vendin. E sot, të gjithë, pa dallim iu bindën të vërtetës e qëllimit të tyre të vetëm, arritjes në pushtet.
Në një vend të varfër, ku qytetarët mezi i mbijetojnë të përditshmes së tyre. Qeveria Kurti, ajo që erdhi në pushtet me siglën ‘barazitare’, nga xhepat e qytetarëve i nxori 11 milionë euro dhe pagoi shpenzimet e energjisë elektrike konsumatorëve në veri të vendit.
Pra, “barazitarët” diskriminuan qytetarët, “nacionalistët” ia paguajnë rrymën veriut.
Nëse asgjë, sot qytetarëve ua bëri një të qartë, rrëfimin e ri, të vërteten e tyre të vërtetë!