Zëvendëskryeministri, Haki Abazi, ka takuar minatorët e Trepçës të cilët dje kanë hyrë në një grevë.
“Mbrëmë në orët e vona e deri në orët e para të mëngjesit jemi takuar me 35 minatorë, së bashku me kryetarin e Mitrovicës, zëvendësministrin e Ministrisë së Punëve të Brendshme dhe drejtorin e Kombinatit Trepça”, ka thënë Abazi përmes Facebook.
“Në nivelin e 11-të të minierës “Stanterg” të Mitrovicës, kemi diskutuar gjatë për të drejtat dhe kushtet në punë. Dolëm së andejmi, duke u pajtuar për të vazhduar përpjekjet zgjidhjen e problematikave të grumbulluara me dekada, në këtë sektor me rëndësi kombëtare për ekonominë e Kosovës”.
