Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri. Përveç të hollave, hajant shpesh ia mësyjnë edhe gjësendve me vlerë, që nuk zgjedhin formë e as metodë për t’i kapur. Kështu ka ndodhur së fundmi në një shtëpi në Vushtrri, raporton Gazeta Sinjali.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Këtë herë, një person arriti që të depërtojë brenda një shtëpie në rrugën “Kongresi i Manastirit”, ku vodhi një armë, vlera e së cilës është rreth 1 mijë euro dhe arriti të ikë pa lënë ndonjë gjurmë.
Burimet nga Prokuroria kanë bërë të ditur për Sinjalin se rasti u denoncua në Polici nga pronari i shtëpisë, i cili gjatë diëts së djeshme raportoi se shtëpia e tij ishte cak i vjedhjes. Bazuar në dëshminë e tij të dhënë para hetusve policorë kuptohet se ai e zbuloi rasin pasi e kontrolloi vendin ku e kishte lënë armën në dhomë, të cilën nuk e gjeti më aty.
Sinjali mëson se viktima ka deklaruar në Polici se ka pasur leje për armën që e mbante dhe se nuk ka dyshime te ndonjë person i caktuar që mund ta ketë vjedhur.
Pasi është denoncuar rasti, njësitë policore kanë dalë në vendin e ngjarjes, teksa me urdhër të prokurorit, rasti është iniciuar ‘Vjedhje’, ndërsa veprimet tjera ligjore do merren posa të kapen të dyshuarit.
/GazetaSinjali/
