Emisari Special i presidentit të Shteteve të Bashkuara të Amerikës, Donald Trump, për dialogun Kosovë – Serbi, Richard Grenell, i ka reaguar sërish kryeparlamentares Vjosa Osmani, shkruan Gazeta Metro.
Pasi Osmani tha se simbolizmi nuk mund të krijojë vende pune, por as politikanët që e kanë udhëhequr vendin në 20 vitet e fundit, Grenell ka goditur sërish kryeparlamentaren me anë të një reagimi në Twitter.
Grenell i ka thënë Osmanit se përvoja mund të sjellë një ndryshim të madh dhe se për marrëveshjen nuk ka dhënë asnjë sugjerim, por vetëm kritika. Ai madje thotë se Osmani po i bënë këto kritika vetëm pse nuk ishte në krye të delegacionit të Kosovës në Uashington.
“Gjatësia e kohës që një politikan është në detyrë nuk është domosdoshmërisht problemi. Përvoja mund të sjellë një ndryshim të madh. Krenaria e autorësisë ose marrja e meritave është zakonisht problemi. Ju nuk keni dhënë asnjë sugjerim për këtë marrëveshje. Vetëm kritika sepse nuk ishit në krye”, ka shkruar Grenell në Twitter.
The length of time a politician is in office is not necessarily the problem. Experience can make a big difference.
Pride of authorship or getting the credit is usually the problem.
You’ve given no suggestions to this agreement. Only criticism because you weren’t in the lead. https://t.co/cY6FIU66BH
— Richard Grenell (@RichardGrenell) September 11, 2020
Kujtojmë se edhe ditë më parë Vjosa Osmani kritikoi marrëveshjen, mirëpo kjo morri një reagim të ashpër nga Grenell në Twitter ku i tha se nuk keni dhënë asnjë kontribut për këtë marrëveshje edhe pse jeni në krye të institucioneve të Kosovës.//gazetametro.net