Emisari Special i Presidentit Trump për dialogun Kosovë-Serbi, Richard Grenell, nesër do të vijë në Kosovë.
Burime të Klan Kosovës brenda zyrës për Këshillin e Sigurisë Kombëtare (NSC) konfirmojnë ardhjen e Grenell në Kosovë bashkë me delegacionin e Korporatës Ndërkombëtare të Financave të Zhvillimit.
Kujtojmë se më 4 shtator është nënshkruar marrëveshja ekonomike Kosovë-Serbi, nga kryeministri i vendit, Avdullah Hoti, dhe nga presidenti i Serbisë, Aleksandar Vucic nën vëzhgimin e presidentit të Amerikës, Donald Trump.
Ndërsa mësohet se Grenell të mërkurën do të udhëtojë drejt Serbisë.