Analisti Dukagjin Gorani ka folur për vendimin e qeverisë së Kosovës për zbatimin e reciprocitetit për targat me Serbinë. Gorani e ka quajtur të drejtë vendimin e Ekzekutivit por ka shfaqur dilema lidhur me dobishmërinë e një mase të tillë.
“Dërgimi i policisë atje është i domosdoshëm sepse bëhet fjalë për një segment, një konfrontimi politik që ne e kemi me Serbi tash e sa dekada”, thotë Gorani.
“Unë pajtohem, ka qenë vendim i drejtë. Dilemat që i kam unë është, a është vendim i dobishëm? Jo dosido çdo vendim i drejtë është hisotirikisht e politikisht është edhe i dobishëm, strategjikisht dhe taktikisht’, shpjegon ai.
Komentet Gorani i bëri në emisionin Pressing në T7.
“Zanati i politikës nuk përqendrohet ekskluzivisht në çuarjen përpara veç të vendimeve të drejta historike por edhe në arritjen e një qëllimi të caktuar, të një dobie. A do të jetë ky vendim i dobishëm, i drejtë patjetër është”, shton Gorani.