Komiteti për Punët e Jashtme në Dhomën e Përfaqësuesve të SHBA-së ka mbajtur seancën e nënkomitetit me temën “Një rrugë drejt stabilitetit në Ballkanin Perëndimor”.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Pjesë e këtij diskutimi, ku po japin qëndrimet e tyre janë Max Primorac, Bashkëpunëtor i Lartë i Kërkimit në Qendrën Margaret Thatcher, Luke Coffey, Bashkëpunëtor i Lartë në Qendrën për Evropën dhe Euroazinë në Institutin Hudson dhe Edëard P. Joseph, Lektor dhe Bashkëpunëtor i Lartë nga Universiteti Johns Hopkins SAIS.
Duke dhënë qëndrimet e tyre për situatën politike në Ballkanin Perëndimor, në veçanti për Kosovën, ata u pyetën nga kryesuesi Keith Self se nëse e shohin Albin Kurtin si “pengues”.
“A e shohin burokratët e karrierës së Departamentit të Shtetit kryeministrin Kurti si pengues?”, pyeti Self.
Dy prej të pranishmëve u përgjigjen me po dhe një prej tyre tha “më shumë po se jo”.
“A do e mbështesni një raport të deklasifikuar të SHBA-ve mbi sulmin e militantëve serbë të vitit 2023 në Banjskë, me pyetjen për përfshirjen e Serbisë në këtë?”, pyeti tutje Self.
Të gjitha përgjigjet ishin “po”.
Po ashtu, të gjithë byrokratët e karrierës thanë se mbështesin “presionin” e SHBA-së ndaj Serbisë, në mënyrë që të mos e pengojë anëtarësimin e Kosovës në organizatat ndërkombëtare.