Një 60 vjeçar është gjetur pa shenja jete në rrugën “Dëshmorët e Kombit” në Prishtinë.
Këtë e ka bërë të ditur zëdhënësi i policisë për rajonin e Prishtinës, Agron Borovci.
Policia njofton se njësitet kanë dalë në vendin e ngjarjes si dhe mjekët emergjent të cilët kanë konstatuar vdekjen e viktimës.
“Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, thuhet në njoftimin e policisë./GazetaSinjali/
