Bajram Gecaj nga Lidhja Demokratike e Kosovës (LDK), ka reaguar ashpër pas marrëveshjes së arritur një ditë më parë ndërmjet kandidatit të LDK-së për kreytar të Vushtrrisë, Xhafer Tahiri, dhe kandidatit të Vetëvendosjes, Sylejman Meholli.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Gecaj e ka quajtur Albin Kurtin “përtypës” duke shtuar se kushdo që hyn në marrëveshje me të është i destinuar të dështojë.
“Çdokush që hyn në marrëveshje me Albin Kurtin është i paracaktuar të dështojë — veçanërisht nëse dëshiron të ruajë individualitetin e vet. Kurti nuk bashkëpunon, ai përtyp njerëz – si një gomë përtypëse që e hedh sapo i humbët shija”, ka shkruar Gecaj në rrejtin e tij social Facebook.
Ai ka theksuar se Kurti që nga koha e paraluftës e sheh LDK-në si armikun e tij të vërtetë, pasi sipas tij, ajo përfaqëson themelin mbi të cilin është ngritur shteti i Kosovës.
Sipas Gecajt, Vetëvendosje mund të funksionojë si forcë demokratike vetëm pasi të çlirohet nga Kurti dhe “rrethi i tij servil”, ndërsa çdo bashkëpunim aktual me të, siç thotë ai, është “biletë e sigurt drejt dështimit”.
“Ky njeri, që po e ndan popullin më thellë se kurrë dhe po e izolon Kosovën nga miqtë e saj ndërkombëtarë, duhet izoluar politikisht për të mirën e vendit”, ka përfunduar ai, duke shoqëruar postimin me fotografinë e disa prej “viktimave të përtypura” nga Kurti.
