Ganimete Musliu: Po kthehem në Kosovë, jam mirë por më duket ende kohë për t’ju rikther normalitetit

Deputetja e Kuvendit të Kosovës nga radhët e PDK-së, Ganimete Musliu, ka njoftuar se po kthehet në Kosovë, shkruan Mitrovica SOT

Javë më parë ajo kishte udhëtuar për në Gjermani për t’ju nënshtruar një ndërhyrje kirurgjike në zemër.

Deputetja Musliu tha se gjendja shëndetësore e saj është e mirë porse i nevojitet kohë që t’ii kthehet normalitetit.

Ajo ka shprehur mirënjohjen ndaj secilit që i ka qëndruar pranë.

Postimi i plotë:

Pas pesë javësh po kthehem në Kosovë!

Falë Zotit jam mirë edhe pse me duhet ende kohë për tu kthyer në normalitetin e jetes, aktivitetin dhe punën time të përditshme!

Mirënjohëse pa fund, falenderuese deri në përulësi për secilën dhe secilin që në çfarëdo forme ishte me mua gjatë tërë kësaj kohe!

Zoti ju bekoftë🙏! FALEMINDERIT ❤️!