Fundjava ka sjellë një rritje të ndjeshme të lëvizjeve në pikën kufitare të Morinës, ku mijëra qytetarë nga Kosova janë drejtuar drejt bregdetit shqiptar për të kaluar ditët e pushimit.
Sipas të dhënave të Policisë Kufitare dhe Migracionit në Kukës, gjatë orëve të fundit, nga mëngjesi i së shtunës e deri tani, kanë hyrë në territorin shqiptar 10,874 shtetas të Kosovës, të cilët kanë udhëtuar me 3,712 automjete.
Ky fluks është regjistruar në pikën kufitare të Morinës, që mbetet porta kryesore hyrëse për pushuesit nga Kosova, të cilët zgjedhin destinacione si Durrësi, Shëngjini, Velipoja, Vlora dhe zonat turistike të jugut të vendit, shkruan A2CNN.
