Shukrie Magashi, motra e 35-vjeçares ka dhënë detaje të reja për raportet problematike të çiftit.
Magashi në RTV Dukagjini thotë se që në ditën e parë të martesës janë paraqitur shenjat e para.
“Ditën e parë pas martesës motra nuk është lajmëruar fare në telefon. Pasdite në është lajmëruar burri i saj i cili na ka dërguar vetëm një sms se “motra është mirë”, dhe ne mos të bëhemi merak”, rrëfen motra e viktimës.
Ajo thotë se motra është keqtrajtuar vazhdimisht, është lënë pa ngrënë e pa mirë dhe nuk është lejuar të takohet me familjen e saj.
Shukria thotë se ka folur me të motrën rreth orës 5 të ditës së djeshme dhe se gjendja e saj ka qenë mirë deri në atë orë.
Ajo thotë se nuk është vizituar nga institucionet lokale apo qendrore.