Familja Hysenaj nga Suhareka ka vendosur që të mos pranojë asnjë mysafirë brenda shtëpisë, përveç rasteve urgjente, kjo për shkak të situatës së krijuar nga koronavirus, shkruan Gazeta Metro.
Dje në Kosovë janë paraqitur dy raste me koronavirus, ku një 22 vjeçare dhe një 77 vjeçar janë dy personat që janë infektuar nga ky virus. Pasi zyrtarisht ky virus u paraqit në Kosovë, Qeveria mori disa vendime në mënyrë që të parandalohet përhapja e kësaj sëmundje ngjitëse. U mbyllën lokalet, kafiteritë, restorantet si dhe u kërkua që njerëzit mos të përshëndeten me duar me njëri-tjetrin dhe assesi mos të përqafohen.
Pas vendimeve të Qeverisë, është familja Hysenaj nga Suhareka që ka pranuar të vet-karantinohet, ku edhe kanë thënë se nuk do të shkojnë askund mysafirë dhe se as nuk pranojnë përveç rasteve urgjente. ”Thirrja me kamerë nëpër viber e këso gjanash, mund t’i realizoni brenda ditës dhe jo pas orës 22:00”, thuhet në shkrimin e njërës prej anëtarëve të kësaj familje. Familja Hysenaj ka kërkuar që të mirëkuptohet dhe se ky vendim vlen deri në njoftimin e radhës.
Më poshtë postimi i plotë i anëtares së familjes Hysenaj./gazetametro.net
