Ish-zëvendëskryeministri i Kosovës, Fatmir Limaj, që këtë post e lëshoi dje drejtoi akuza ndaj kryeministrit të ri, Albin Kurti, për shkelje të premtimeve.
Ai madje tha se ka një frikë të vetme për qeverisjen e re.
“Unë e kam vetëm një frikë. Ndoshta do ta harroni Hashimin çka ka ardhur sot dhe po e lë me kaq. Unë jam shumë konstruktiv në temat e mia dhe nuk flas kot. Nuk është e lehtë kjo çka ka ndodhur sot. Është një eksperiment i madh”, ka deklaruar Limaj në Klan Kosova.
Por ndaj kësaj deklarate ka reaguar deputetja e PDK-së, Evgjeni Thaçi-Dragusha, që është edhe mbesa e presidentit Thaçi.
Ajo thotë se nuk duhet me ia marrë për të madhe Limajt, pasi i duhet të konsumojë pak fuqinë e Hashimit, shkruan Reporteri.net.
“T’mos ia shohim për të madhe Fatmir Limajt që po përmend Hashim Thaçin. I duhet të konsumojë pak #hashimpower 💪🏻 sepse menzi arriti të bëhet deputet”, ka shkruar ajo në Facebook.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
