Edona flet për deklaratën në Beograd: S’kam thënë kurrë që s’jam shqiptare, ju kërkoj falje

Ish-banorja e Big Brother VIP Kosova 2, transgjinorja e cila arriti të shkojë deri në finale, ku dhe zuri vendin e katërt, Edona James së fundmi është deklaruar rreth një intervistë skandaloze të dhënë vite më parë për një medium serb.

“E dua Beogradin, është shumë i bukur. Më pëlqejnë meshkujt serbë, janë të gjatë. Meshkujt më të mirë janë meshkujt serbë. Unë jam shqiptare, por nuk ndjehem shqiptare. Nuk jam myslimane, jam katolike”, kishte thënë Edona në këtë intervistë, e cila u rikthye në qendër të vëmendjes gjatë muajve sa e njëjta ishte në garën e BBVK2.

Ajo thotë se është keqkuptuar dhe nuk e kishte për qëllim të bënte diçka kundër shqiptarëve, teksa shprehet se ndjenë pengesë shkaku i asaj interviste.

“Ju e dini qysh e kam mendimin unë, Unë e them çka foli. Për qëta më erdh inati. Për serbët, që kisha dashtë me ia ngul juve, ia kisha ngul publikisht, nuk isha ngul me serbë. Çka o’ ajo? Pa lidhje. Ama kam dhënë intervistë, pernime po më pengon, shumë po më pengon qajo pjesë”, tha ajo.

Edona po ashtu mohon të ketë thënë që s’ndjehet shqiptare, teksa kërkon falje për deklaratën e lartëcekur.

“Unë s’kam thanë kurrë që s’jam shqiptare. Unë jam…Ma shqiptare jam unë, ja kerkush. M’vjen inati kur të thonë qashtu, edhe nëse mendoni se kam dal me ia ngul juve, jau kisha ngul ndryshe, amo jo. Iu kërkoj falje nëse e shihni qashtu, amo nuk është kanë qashtu”, u shpreh ajo.