Gjatë ditës së sotme, Njësia Speciale e Policisë së Kosovës ka arrestuar në veri serbin Milun Milenkovic, i njohur me nofkën “Llune”, një nga udhëheqësit e formacionit kriminal “Mbrojtja Civile”.
Mininistri i Punëve të Brendshme, Xhelal Sveçla bëri të ditur se ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan.
Tani në rrjete sociale është publikuar edhe momenti i aksionit të Policisë së Kosovës gjatë arrestimit të serbit në veri.
Por, pas arrestimit Policia e Kosovës është sulmuar nga disa persona në veri.
Në një video të publikuar, shihet se vetura e policisë goditet me “tulla” nga disa persona, teksa nga veturat tjera i vështirësohet largimi nga vendi i ngjarjes./Reporteri.net/