‘E bënte nevojën nga përpara’: Kryhet me sukses një operacion në QKUK tek një 21-vjeçare e cila vrimën anale e kishte në vaginë

Një paciente kosovare jetoi për 21 vite me një anomali shumë të rrallë dhe jashtëqitjen si proces fiziologjik e kreu nga organi gjenital.

Për shkak se ishte lindur me një çrregullim të tillë ku vrimën anale e kishte në vaginë, ajo u detyrua që më në fund t’i nënshtrohej një operacioni të vështirë në QKUK.

Mirëpo me operacionin e bërë në Klinikën e Kirurgjisë përfshirë edhe atë Fëmijëve, anusi iu vendos në vendin e vet.
Si pasojë e këtij çrregullimi, pacientja kishte pasur infeksione të shpeshta.

Përpos që është rast i rrallë, për QKUK është edhe rasti i parë që e bëjnë këtë intervenim referuar moshës së pacientes, derisa jashtë vendit ky lloj operacioni ka koston prej 100 mijë eurosh.

E, për këtë Klinika e Kirurgjisë ka në plan të bëjë një punim shkencor, ngase edhe qendrat spitalore më të avancuara mund të mos kenë të tilla raste./gazetametro.net